О благоустроении души, Святой Руси и всякого доброго дела :: Версия для чтения

О благоустроении души, Святой Руси и всякого доброго дела

 

О благоустроении души, Святой Руси и всякого доброго дела

 

Предлагаемый вниманию читателя канон о благоустроении составлен на благоустроение всякого доброго дела и жития и может быть совмещён с чтением акафиста иконе «Домостроительница»

 

Канон о благоустроении

 

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

 

Песнь 1

 

Яко по суху пешешествовав Израиль, / по бездне стопами, / гонителя фараона / видя потопляема, / вся благоустроящему Создателю Богу победную песнь / воспоим, вопиюще:

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Ныне приступих аз грешный и обремененный / к Тебе, Владыце и Богу и Создателю  моему; / не смею же взирати на небо, / токмо молюся, глаголя: / Владыко Благоустроителю, даждь ми ум ко спасению и благоустроению окаянныя души моея, / да плачуся дел моих горько, положив начало (благоустроения) покаяния моего.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Из небытия вся Воззвавый и совершенством Своим Создавый яко благолепна, времена и сроки во власти Своей Положивый и вся в Сыне Неописанном Слове Своем ко спасению обновивый, ныне даждь разум ми ко спасению обновления благоустроению.

 

Слава: Пресущная Троице, Начало бытия всего сущаго, из небытия вся Создавшим Словом Своим вся воззвавый и благоустрояяй, ныне благоустрой разум и душу мою к прославлению имени Твоего.

И ныне: Мати Божия Пречистая, всех Создателя и Зиждителя Рождшая, Того моли обновити разум нам покаянием ко спасению устроения.

 

Песнь 3

 

Несть свят и праведен яко Всеблагоустроитель и Господь наш, даяй молитву молящемуся ко благоустроению помыслов ума, душ и жития нашего, вся Словом Своим Создавый и благоустрояяй, вознесый рог верных Своих и утвердивый нас на Камени благоустроения Своего, Иже есть  Спас Христос Бог наш.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Ты бо еси Бог смыслов и разумов, Начальник бессмертия и жизни Подателю, уготовляяй и благоустрояяй вся начинания своя, да премудрые обезумеют,  а буии вразумятся, лук сильных изнеможе, а немощствующии препояшутся силою, да никтоже хвалится и глаголет высокая в гордыни своей, дай ныне мне  молитву ко разумению и знанию святой воли Твоей, да буду разумети и творити Святую волю Твою ко благоустроению моему.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

О, горе мне! Вижу Престол Твой, Судии моего, яже пред Ним праведницы возрадуются, а грешнии восплачутся, иже зря дела своя перед Судией всех представляема. Ныне дай мне разум во еже знати и разумети Тебя, Праведного Судию моего и творити во всем святую волю Твою.

 

Слава: О, Владыко Благоустроителю, времена и сроки во Своей власти положивый ко благоустроению спасения нашего, ныне даждь ми разум во всем искати и творити волю Твою.

И ныне: О Владычице Всечестная, всех Создателю и Владыку рождшая, на Крест Вшедшего и Жизнь за спасение наше Отдавшего, ныне моли Того благоустроитися нам покаянием.

 

Тропари

 

Пресущная Троице, в Троице Единая и в Единице покланяемая, вся благоустрояющая и никем же познаваемая, сподоби нас вразумитися Духом Твоим Святым ко благоустроению помыслов, душ и жития нашего

 

Слава: Неописанное Слово Отчее, Имже вся бысть и без Него ничесоже бысть, вся создавый и благоустрояяй, вразуми нас творити волю Твою ко благоустроению нашему

И ныне: Мати всех Зиждителя, Неописанное вся Создавшее и Всеблагоустроящее Божие Слово рождшая на спасение наше, Иже из Тебя Рождшегося моли благоустроитися нам во святую волю Его.

 

Песнь 4

 

Христос моя сила, Всеблагоустроитель Бог и Господь мой, Иже вся сотвори благо и благоустрояяй ко спасению и благоустроению нашему, о сем же честная Церковь взывает от смысла чиста, о Господе празднующи и Всеблагоустроителя всячески величающе , да сподобит нас благоустроитися во святую волю Его.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Господи, услышах слух Твой, и убояхся, и аще, Господи, праведник и пророк Твой разумех дела твоя, и ужасохося, то како убо мне, худому рабу Твоему?  Но даждь ми ум незаблудный к разумению святой воли Твоей и благоустроению окаянныя души моея, да буду разумети ми полезное и бегати вредного и ненужного.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

О, горе мне грешному! Горе мне, паче всех окаянному! Сохранихся, и убояся сердце мое, от гласа молитвы устен моих! Пред лицом Бога Творца и Благоустроителя моего, от Непорочной Девы Рождшегося и вся Словом Своим Создавшего, да спасет окаянную душу мою, положив начало непорочного благоустроения моего

 

Слава: Сохранихся, и убояся сердце мое, от гласа молитвы устен моих, и вниде трепет в кости моя, и во мне смятеся крепость моя, от лица безумия моего пред лицом Бога и Творца моего, от лица же Его куда бежу?

И ныне: И Ты, Владычице, Мати Всезиждителя и Всеблагоустроителя, Рождшая Творца всеческих на спасение наше, Того моли нам всеблагоустроитися во святую волю Его.  

 

Песнь 5

 

Божиим светом Твоим, Блаже, озари, просвети и благоустрой окаянную душу мою, молюся, Тя ведети, Слове Божий, Яже Истинного Создателя и Всеблагоустроителя моего.

 

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Правде научитеся вси живущии на земли, горе нечестивым, иже не хотят научитися правде и милости, яже разумети и творити волю Господню, сего ради ихже ненаказанных зависть приимет и пояст огонь вечный в безумии их.

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Приложи им зла, Господи, приложи зла славным земли, яже не хотят благоустроитися во смирении во святую волю свою, устрояясь во обольщении суетного самонадеянного века сего самонадеянных сердец своих.

 

Слава: Мы же в скорби помянухом Тя, Господи, в скорби мале наказание Твое прияхом, и яко болящая приближается родити, и в болезни своей вопияше, тако быховом(?) возлюбленным Твоим, яже страха ради твоего во чреве прияша, и поболеша, родиша дух спасения, егоже сотвориша на земли. Сии не падут, но падут живущии на земли века сего обольщения.

И ныне:  Зелме Благая пречистая, Клас Неоранный на спасение наше рождшая, Того моли яко Иже из Тебе Рожденного благоустроитися нам на земле живых покаянием века нынешнего. 

 

Песнь 6

Яко пророк Иона, пред собой зрю пучину воздвизаемую напастей бурею злого произволения моего, не разумею же припасти к Тебе, Богу Крепкому и Живому, Создателю и Всеблагоустроителю моему, да обрету спасение и всеблагоустроение в довольстве во всем во Святой всеблагой всеугодной и всесовершенной  воле Твоей

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Яко пророк Иона ныне погружаюся в бурные волны жития моего произволения, оставляя милость Твою,  яже жизнь моя, Господи, ради сутеных и ложных произволений ума моего. 

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Внегда истаявати и скончаватися от мене души моей, Господа помянух, да приидет к Тебе молитва моя и ко мне – покров милости Твоея

 

Слава: Аз со гласом хваления и исповедания пожру Тебе Господи, яко не презрех и не уничижих дух сокрушен, но воздал еси мне во спасение

И ныне: Избавительнице и Спасительнице наша, Избавителя всех рождшая, Того моли обратитися от злых помыслов обольщения ко всех Всеблагоустроителю.

 

Песнь 7

 

Росодательну убо пещь благоустрои Ангел преподобным отроком, ихже безумнии халдеи опаляющи, неведущии благоустроити окаянные души своя во спасение и ихже вопити: благословен еси, Господи  Всеблагоустроителю, Боже отец наших.

 

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Ныне, Владыко Всеблагоустроителю, несть ми отверсти уст, студ и поношение есмь пред Тобою и всем чтущим Тя грех ради моих, но душею сокрушенною и духом симренным приими мя, да зову Ти:

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Не посрами мя, Всеведче, грех моих ради, но но изми мя по чудесемТвоим, даждь славу имени Твоему, и сотвори со мной по кротости Твоей, и по множеству милости Твоея, да зову Ти:

 

Слава: Дай разум незаблудный всем ищущим Тя, Господи, да уразумеем, яко ты еси Бог Един, Славный по всей вселенней.

И ныне: Пресвятая Владычице, Мати всех Всебалгоустроителя, сподобити всех Архитектона умоли устроити вся ко спасению.

 

Песнь 8

 

Благословен еси Господи, Боже отец наших, вся бо твориши, токмо еже хотети, и всеблагоустрояши, яко волиши, темже Тя превозносим во вся веки.

 

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Ангельский же мир и человеческий, вся вселенная, солнце и месяц, источницы водныя и звезды небесныя, вся всеблагоустрояяй яко волиши, ныне всеблагоустрой душу мою, да зову Ти:

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Сланы и снези, свет и тьма, молния и облацы, видимый же весь мир и невидимый, ангельский собор и человеческий род, сыны человечестии и священницы Господни, пойте и превозносите Его во веки:

 

Слава: Вся создавый и всеблагоустрояяй, вся благоустрой покланятися Божеству Твоему, хваляще, благословяще, покланяющеся Тебе, поюще и превозносяще имя Твое во веки.

И ныне: Пресвятая Владычице Богородице,  всех Архитектона Мати и Домостроительнице, умоли Иже от Теюя Рожденного вся блгоустроти ко спасению чтущих Тя.

 

 

Песнь 9

 

Всех Создателя и Всеблагоустроителя никтоже никогда же виде, дела, иже Он яви, яви Собою Слово воплощенно, Иже Тобою в мир прииде, Сего ради Тя ублажаем. 

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Все Ангелы Божии, служители Божественные славы, Ангелов начальницы и человеков наставницы, молите всех Начальника благоустроити нас по неизреченному милосердию Своему

 

Помилуй мя, Создателю и Всеблагоустроителю, и благоустрой вся по неизреченному благоутробию Твоему

 

Пророче, Предтече и Крестителю Господень, всехвальнии апостолы, мученицы и пророцы, иже вас яви соработник своих  Всеблагоустроитель домостроительства спасения нашего, Того молите благоустроити нас ко спасению.

 

Слава: Преподобнии отцы, пастырие и наставницы наша, всехвальнии учителя христианскии, Пастыреначальника и Всеблагоустроителя всех молите благоустроити души наша

И ныне: Мати Господа нашего, всем творящим благоустроение ко спасению, Всеблагоустроителя всех моли не оставити нас Домостроительством благоустроения Твоего.

 

Молитва о благоустроении
Господи, благоустрой начинаемое мною дело по неизреченному благоутробию Твоему
Или
Господи, благоустрой вся по неизреченному благоутробию Твоему

 

Акафист иконе Божией матери «Домостроительница», или «Экономисса»

 

Кондак 1

 

Избранной от всех дщерей земли, Домостроительнице спасения рода человеческого, похвальная восписуем Ти, Владычице нашей Богородице. Ты же, родившая по плоти Христа Бога нашего, от всех нас бед свободи, от злых наветов и обстояний спаси и добре житие наше устрой ко спасению нашему, да велегласно зовем Ти: 

 

Радуйся, Всемилостивая Владычице, наша Добрая Домостроительнице!

 

Икос 1

 

Ангелов и человеков Творец и Создатель, провидя благого сердца Твоего изволение, покорность воле Божией и милосердие неистощимое, благое промышление Свое о роде человеческом устрояя, избра Тебя, Всемилостивая Владычице, в Добрую Домостроительницу человеческого спасения и Устроительницу жития нашего. Сего ради вопием Ти:

Радуйся, от всех злых обстояний Свободительнице!

Радуйся, жития нашего Добрая Устроительнице!

Радуйся, во всяком нестроении видети волю Божию научающая!

Радуйся, все нестроения житейские во благо обращающая! 

Радуйся, ко спасению нас направляющая!

Радуйся, во всем житие наше добре устрояющая!

 

Радуйся, Всемилостивая Владычице, наша Добрая Домостроительнице!

 

Кондак 2

 

Видяще род человеческий погибающим, Всемилостивый Творец наш избра Тя в Домостроительницу спасения нашего, да воплотившися от Тебе, все грехи рода нашего понесет, от печалей спасет и от погибели нас избавит, да воспоем Ему, Подателю благ:
 

Аллилуйя!

 

Икос 2

 

Разум неуразуменный вразумляя спасения и устроения ищущих, всех Творец и Создатель избра Тя в Дом, иже созда Себе Премудрость Божия ко спасению нашему, да все хотящии спасение, от всех скорбей и бед избавление и доброе души и жития своих устроение улучити, зовут Ти сице:

Радуйся, Доме, иже созда Себе премудрость Божия!

Радуйся, премудрых превосходящая разум!

Радуйся, верных умудряющая!

Радуйся,  ко спасению и разумению воли Божий направляющая!

Радуйся, от погибели спасающая!

Радуйся,  вся ко благу созидающая!

 

Радуйся, Всемилостивая Владычице, наша Добрая Домостроительнице!

 

Кондак 3

 

Силою Вышнего осеняема, Богородительнице, послужила  Воплощению Сына Божия, Иже понесе на себе все грехи и болезни рода человеческого, ко спасению всех вразумляя и направляя, да все спасение от Него улучившии воспевают:

Аллилуйя!

 

Икос 3

 

Имуще воистину утробу Твою яко Благодатное Небо и Дом Премудрости Божия, иже созда Своею рукою Господь, не хотящий смерти рода человеческого, но всем Творящий спастися, подвигает всех верных вопити Ти тако:

Радуйся, от греховного жития отвращающая и ко спасению направляющая!

Радуйся, домостроение спасения нашего созидающая!

Радуйся, Доброе Пристанище всем ищущим спасения!

Радуйся, беззаконного жития исправление!

Радуйся, воли Божией доброе разумение и исполнение!

Радуйся, ко спасению жития устроение!

 

Радуйся, Всемилостивая Владычице, наша Добрая Домостроительнице!

 

Кондак 4

 

Бурю внутрь имея помышлений сумнительных не хотящие жити по воле Божией разум имея, суетные люди, прельщенные страстями века сего, не желая приняти воли Божией, во всем благой и совершенной, все устрояющей ко спасению нашему, не ведят пети:

Аллилуйя!

 

Икос 4

 

Ведуща все вернии и во всех обстояниях к Тебе прибегающии, яко все обращающиеся к Тебе от всех злых обстояний избавление и скорбей на радость преложение, новый смысл жития своего и доброе во всем устроение в Тебе обретают, реша вопиют Ти:

Радуйся, наша Добрая Вразумительнице!

Радуйся, от суетных помыслов века сего Избавительнице!

Радуйся, во всем нам Верная к Богу Споручнице!

Радуйся, всех добрых устроений Споспешнице!

Радуйся, всех благих начинаний Премудрая Устроительнице!

Радуйся, от пагубных наветов отвращающая и злые начинания разрушающая!

 

Радуйся, Всемилостивая Владычице, наша Добрая Домостроительнице!

 

Кондак 5

 

Боготочный источник во всем благого устроения душ наших во всяком довольстве жития нашего зрим икону Твою, Богородице, иже учит покорности воли Божией, вся ко благу нашему устрояющей и ко спасению направляющей, подвигающей верных воспевати:

 

Аллилуйя!

 

Икос 5

 

Видеша афонский старец игумен Афанасий лавры своея запустение и иноками ея из-за глада и крайней нужды

оставление, одного его оставиша, восскорбеша зело и такоже оставити обитель свою реша. Положив на сердце сия, в путь потек и на пути встретил Жену. Устрашен сим видением быв, недоумевая, откуда Сия Жена на славней горе Афонской, идеже женам вход воспрещен? Познав же в Ней Матерь Господа своего, немощныя Врачующего и вся оскудевающая Восполняющего, потщился ей послужити славословиими сими:

Радуйся, горы Афонския святыя вечная Правительнице!

Радуйся, о всех живущих в ней к Богу Верная Ходатаице!

Радуйся, вся оскудевающия Восполняющая!

Радуйся, вся немощныя и сокрушенныя сердцем Созидающая!

Радуйся, во всех бедах Сострадательнице!

Радуйся, нуждающимся всех благ Подательнице!

 

Радуйся, Всемилостивая Владычице, наша Добрая Домостроительнице!

 

Кондак 6

 

Проповедницы бывши милости Твоея, о Владычице, все насельницы лавры афонския, иже Тебя, Добрую Устроительницу и Владычицу обители своея имея, без Ея же благословения ничесо же творяше, о Тебе Богу поют:

 

Аллилуйя!

 

Икос 6

 

Возсия на горе Афонской икона Твоя, яко светлое просвещение Истины, Богородице. Ты, Доброй Домостроительницей иноков лавры афонския быв, и всех иноков и в  мире живущих и любовию Тебя почитающих не оставляеши своим заступлением, всем вся во благо житие их устрояя. Темже и преподобный Сергий, Всея Руси игумен, обретение честных мощей коего в день памяти иконы Твоея славныя быв, внезапное восполнение запасов обители, кою чаял нищеты ради оставити, по ходатайству Твоему получи, дивное заступление Твое к лавре его и всея Руси явно тем знаменуя и подвизая верных вопити Тебе тако:

Радуйся, всем добрым инокам поможение!

Радуйся, и о в мире живущих доброе Промышление!

Радуйся, Домостроительнице нашего спасения!

Радуйся, и земного жития всемилостивое  устроение!

Радуйся, учащая во всем полагатися на волю Божию, иже вся во благо устрояющую!

Радуйся, все скудости и немощи наша милостью Божией восполняющая!

 

 

Радуйся, Всемилостивая Владычице, наша Добрая Домостроительнице!

 

Кондак 7

 

Хотяще всем вся во благо устроити Всемилостивый Промыслитель Христос Бог наш Тебя  в Домостроительницу и всех благ Ходатаицу нам дарова, да все улучившия чрез тебя милости зовут Ему:

 

Аллилуйя!

 

Икос 7

 

Новую Тя Домостроительницу и всем вся во всем Благую всех Устроительницу всех Благий Зиждитель нам показа, да вси хотящии спасение обрести и добре житие свое устроити к Твоему ходатайству прибегают и по вере своей просимое обретают, вопиющи Ти таковая:

Радуйся, Мати всех Архитектона, с земным тектоном в нищете пожившая!

Радуйся, и нас всем страждущим сострадати научившая!

Радуйся, во всех злых обстояниях и нестроениях  Сострадатильнице!

Радуйся, земных и небесных благ Подательнице!

Радуйся, во всем искати не земного, а небесного устроения научающая!

Радуйся, все злыя приключения житейские во благо обращающая!

 

Радуйся, Всемилостивая Владычице, наша Добрая Домостроительнице!

 

Кондак 8

 

Странно есть неверующим видети, како вси православнии, полагающиися на волю Божию, ум на небеса преложше, не земного устроения взыскуют, ища прежде Царствия Небесного и правды Его, его же взыскующим вся ко благу бывает, идеже ни скорбь, ни теснота, ни жизнь, ни смерть, ни другая какая тварь не могут отлучити от любви Божия, вопиющим:

 

Аллилуйя!

 

Икос 8

 

Вся бо в вышних ныне пребываеши, Царица Небесная, но и нас нижних не оставляеши Своим заступлением, о Владычице, вся бо наши прошения приемлеши, скорби облегчаеши, болезни исцеляеши, вся добрыя дела и житие наше добре устрояеши и вся богоугодныя желания наша во благо исполняеши, от всех спасенных и утешенных Тобою слышиши сия:

Радуйся, с небесе на нужды наша презирающая!

Радуйся, вся моления наша без ответа не оставляющая!

Радуйся, от беззаконных навыков и пагубных страстей всесильно отвращающая!

Радуйся, житие всех верных покаянием обновляющая!

Радуйся, по воле Божией жити научающая!

Радуйся, вся желания верных во благо исполняющая!

 

Радуйся, Всемилостивая Владычице, наша Добрая Домостроительнице!

 

Кондак 9

 

Всякий православный христианин к помощи Твоея прибегает, Всемилостивая, зная, яко всем бо во всяком деле блазе Устроительницей Доброй бываеши, верной Споручницей Архитектону всех пребывая. Сего ради слышиши от всех:

 

Аллилуйя!

 

Икос 9

 

Ветия суемудренныя самонадеянного века сего, не разумеющии милости Божией и Твоего всемощного к Богу дерзновения, в недоумении пребывают, како все вернии в устроеннии душ и жития своего и всякого дела блага ко всесильному Твоему ходатайству прибегают, воистину Тебя всесильную Помощницу и Покровительницу имея. Мы же, все упование наше на устроение Твое возложив, верно вопием Ти:

Радуйся, Всесильная наша Помощнице!

Радуйся, от злых обстояний Защитнице!

Радуйся, жития нашего Всемилостивая  Устроительнице!

Радуйся, ко исполнению воли Божией Вразумительнице!

Радуйся, всех добрых пожеланий наших Исполнительнице!

Радуйся, не токмо жития, но и помыслов и душ наших Добрая Обновительнице и Устроительнице!

 

Радуйся, Всемилостивая Владычице, наша Добрая Домостроительнице!

 

Кондак 10

 

Спасти хотя мир, Иже всех Устроитель нам Тебя во спасение Матерь Свою дарова, да будеши всем верным Домостроительнице, житие земное, а наипаче небесное устрояя, сего ради и слышит от всех нас:

 

Аллилуйя!

 

Икос 10

 

Стена еси воистину Нерушимая всем к заступлению Твоему прибегающим, Мати Дево, ибо небесе и земли Создатель воистину Твое Блаженное Чрево Благодатным небом соделав, вселься в девственной утробе Твоей, вся восхваляти Тя научи тако:

Радуйся, Невместимого Божества вместилище!

Радуйся, чистоты и благодати Божией хранилище!

Радуйся, Премудрость, всякий смысл превосходящая!

Радуйся, домостроительство спасения нашего утверждающая!

Радуйся, во всем видети Промысел Божий, иже вся во благо устроящий,  вразумляющая!

Радуйся, вся народы исполняти волю Божию научающая!

 

Радуйся, Всемилостивая Владычице, наша Добрая Домостроительнице!

 

Кондак 11

 

Пение всякий православный христианин Тебе принося, о Владычице, ничто же равно дарованиям Твоим совершает, о Всемилостивая, всем бо вся нужное ко спасению и земному довольству даруеши, подвизая нас о Тебе Богу вопияти:

 

Аллилуйя!

 

Икос 11

 

Светоприемную свещу, светом Божественным сияющу во мраке жития нашего сущим зрим икону Твою, о Владычице. Всем бо вся ко благу прошения исполняеши, житие земное, а наипаче небесное устрояеши, по глаголу евангельскому: «ищите прежде Царствия Божия и правды его, и вся приложится вам»,

не земное сперва, а наипаче небесное житие устрояя. Сего ради почитаем Тя званиими сими:

Радуйся, От бед страждущих избавление!

Радуйся, В скорбях и печалях Утешение!

Радуйся, через скорби радость к Богу обращения!

Радуйся, через земные временныя скорби небесной жизни устроение!

Радуйся, воли Божией светлое познание!

Радуйся, всем вся ко благу созидание!

 

Радуйся, Всемилостивая Владычице, наша Добрая Домостроительнице!

 

Кондак 12

 

Благодати Источник неисчерпаемый явися нам милость Твоя, Богородице, все бо к помощи Твоея прибегающии в бедах спасение, в скорбях утешение, в болезнях исцеления и от всяких нужд избавление и довольство в Тебе обретают, и всех Подателю благ глаголют:

 

Аллилуйя!

 

Икос 12

 

Поюще Твое всемощное заступление, непрестанно восхваляем Тя, Богородице, яко всех добрых Устроительницу и одушевленный Храм Божества,ничто же творим равно дарованиям Твоим. Сего ради вопием Ти:

Радуйся, всех благих начинаний Устроительнице!

Радуйся, всех молений и прошений наших Услышительнице!

Радуйся, о всех нас теплая ко Господу Молебнице!

Радуйся, всем пекущимся о благе Добрая Споспешнице!

Радуйся, во всяком деле блазе помогающая!

Радуйся, всех верных Своим пред Богом ходатайством никогда же оставляющая!

 

Радуйся, Всемилостивая Владычице, наша Добрая Домостроительнице!

 

Кондак 13

 

О Всемилостивая Владычице, наша Добрая Домостроительнице, во всех благих начинаниях Споспешнице и всем вся во благих Милостивая Устроительнице! Нынешнее наше прими малое приношение, от всех бед земных и вечного осуждения нас избави, всем вся во благо житие земное, а наипаче небесное нам устрой, да вопием всех Зиждителю Сыну Твоему Христу Богу нашему вечно хвалебную песнь:

 

Аллилуйя!

 

Сей кондак глаголи трижды, затем икос 1 и кондак 1.

 

Молитва перед иконой Божией Матери «Домостроительница».

О, Всемилостивая Владычице, Мати Господа нашего, во всех бедах и скорбях наших Милостивая нам Сострадательнице, о всех грешных Предстательнице, всех молений наших усердная Скоропослушнице, о всяком деле блазе надежная наша Ходатаице, всякого доброго начиная благоуспешная во всем Устроительнице, жития и спасения христиан Всемилостивая Домостроительнице!

Призри милостивно ныне на нас, грешных раб Твоих, перед честной иконой Твоей предстоящих и с умиленной просьбой к тебе вопиющих. Не возгнушайся нас, скверных, но милостивно моления наши прими и к престолу Сына Твоего Христа Бога нашего принеси.

 

Буди о всех прошениях наших Молебнице теплая, о самых грешных и всеми отверженных верная к всех Владыце Предстательнице, всякого доброго начинания твердая во всем Управительнице и во всем жития нашего ко спасению Добрая Домостроительнице!

Буди Милостивой Устроительницей душ наших и ко спасению нашему надежной Путеводительницей и милостивой Домостроительницей земного, а наипаче небесного жития нашего, да все скорби жития нашего к славе Сына Твоего и Бога и вечному спасению нашему обращены да будут, да тако, бурное море жития сего без порока прешед, достигнем вечного Дома нашего — Царствия Сына Твоего и Бога и восславим Его неизреченное милосердие и Твое всемилостивое к нам грешным предстательство со всеми святыми во веки веков. Аминь.

 

Составитель сего текста крайне нуждается в благоустроении и решении ряда жизненно важных вопросов и просит молитв о себе и своих близких:

О здравии р.Б.

Игоря

Валентины (ж)

Елены

Ольги

и всех благотворящих

и молящихся за нас

Об упокоении

Анны

Василия

Михаила

Михаила

Пелагии

Кирилла

Григория

Ивана

Марии

Николая

Владимира

Нины

 

Спаси Христос!

 

http://www.stihi.ru/2016/07/12/8453

 

Игорь Храмов Тесёлкин
2017-01-25 11:24:50


Русское интернет-издательство
https://ruizdat.ru

Рейтинг@Mail.ru